أحمد رجب يكتب
أحنا بنفكر فى نخلى الفيس يدفع علية أتاوة و مارك بيفكر فى
augmented reality
من شوية كده كان Mark Zuckerberg فى المؤتمر الخاص ب
F8 Launching
واتكلم عن مستقبل شركة فيس بوك خلال 3 ل 5 سنين من دلوقتى
واتكلم عن تقنيات كتيرة جدا من اهمها والى خلانى قاعد منبهر من التكنولوجيا الى جايه
ان هيكون فى جزء advanced فى ال augmented reality
ودا بكل بساطة هيدخل الحقيقه فى الخيال فى التكنولوجيا بشكل مرعب ونفس الوقت بشكل
هيساعد تخصصات كتيره مش هكون اوفر لو قولت هيحصل نقله للبشرية خلال ال 5 سنين دول
من اهم التقنيات الى اتكلم عليها انك هتكون لابس نضاره عاديه خالص
زى الى بتلبسها لو نظرك ضعيف وهتكون ماشيه فى الشارع توهت مثلا
فى لحظه النضاره هتديك مكانك دلوقتى فين والمفروض تمشى ازاى هتلاقى سهم كده ظاهر
على الشارع الى انت ماشى فيه
كمان كمية معلومات هتكسبها يعنى لو واقف قدام الهرم فى مصر
هتلاقى النضارة بدئت تطلع لك معلومات عن الهرم وعن الجسم الى قدمها دا
الموضوع كمان بقى على البشر انك فى لحظه هتقدر تعرف الشخص الى قدامك
دا بيفكر ازاى ونوعه اى وبيحب اى عن طريق انه ه share المعلومات الخاص به على السوشيل ميديا ويحللها ويبدء يديهالك فى صورة معلومات تقدر تفهمها وتستفاد منها
ودا هيفيد مجالات كتيره زى HR انه بمجرد ما تخش له فى انترفيو هيكتر يعرف طريقة تفكيرك ويقدر يعرف كل الاجابات الى عاوزها منك بدون ما تقول حرف
كمان النضارة دى هتفيد المهندسين الى شغالين فى الديكور او بيصنع طيارة
وفى اى حاجه عاوز يعرفها فى اقل من لحظة هيترسم مخطط كامل قدامه بزوايا بحسابات
انت متخيل يا مان :O
كمان انا وانت قاعدين زهقنين وعاوزين نلعب شطرنج فى لحظه نلبس النضارة
ونبدء نلعب انا وانت كأن فعلا فى شطرنج قدمنا
انت ممكن فى لحظه تسافر المريخ وتبدء تحلل الارض الى انت ماشي عليها
انت ممكن تعمل اى شئ النضارة كمان هتقولك الناس الى ماشيه حوليك
فى الوقت دا صلة القرابه بينك وبينهم اد اى
مثلا انت فرند عن حد والحد دا فرند عند حد ماشى جنبك هيبلغك بكده
الموضوع معقد فوق ما تتخيل وفى حاجات هتغير العالم هتشوفها بنفسك
لو كان ليك عمر ان شاء الله
للأسف احنا بعاد كل البعد عن كل دا توقعى للمستقبل ان مجالات العالم كله هتنحصر جواه
الكمبيوتر مهما كانت اهمية مجالات دلوقتى لو مش كمبيوتر صدقنى هتختفى خالص
والكمبيوتر هيغطى على كل حاجه
الحق ابدء فى البرمجة والتكنولوجيا و الهاردوير و السوفت وير الخاص بيها
علشان متبقاش فى المستقبل جاهل بمعنى كلمة جاهل احنا داخلين على تغير تاريخى كبير
